PAST SIMPLE GAMES

Ola!
Fai moito que non me paso por aquí, pero hoxe non podía deixar pasar o día sen vos deixar aos meus nenos e nenas de quinto e sexto curso un enlace a  unha paxina chamada "Learn English Kids" do British Council cun lote de xogos e recursos variados para que practiquedes o pasado simple dos verbos (ou o que ven sendo en inglés "Past Simple ")
Veña que todo está en practicar e de seguro o ides pasar xenial

http://learnenglishkids.britishcouncil.org/en/category/grammar/verb-tenses-aspects-moods/grammar-past-simple

O Entroido na Escola

Esta semana estivemos baixo o mandato de Dorinda, e fixo que acabaramos dando as clases en bata e zapatillas de casa.... De tolos!!!
Aquí vos deixo unha mostra en imaxes da alegría  dos nenos e nenas estes días.

Saúdos de Brancaneves e algún máis, boas festas!

Oxford Owl

Ola de novo, para comenzar o ano, que mellor que amosarvos un recurso de Inglés moi xeitoso .

Oxford Owl é unha páx. na que, rexistrándonos, podemos acceder a 250 e-books de forma gratuita.
Podemos elexir a idade dos nenos e nenas para saber que libro é axeitado para cada un  e entre tanta variedade de seguro atoparedes algún do voso gusto.
Por se isto fose poco tamén da opción de realizar actividades unha vez rematado o conto.

Espero que guste tanto coma a min.
Feliz ano!!! (casi o esquezo)

RESTAS CON LEVADAS - REAGRUPAMENTO

Esta semana empecei a explicarlles aos meus pequeniños da clase a restas con levadas, pero xurdiu unha complicación, algún xa estivera a practicar na casa coa familia e o método que seguiron para explicalo na casa non é o que eu utilizo.

Para que na casa entendan a forma que teño de facelo, deixo enlace a unha páxina na que se explica moi claramente (o resultado das operación vai ser o mesmo, pero opino que con isto os nenos comprenden mellor de onde veñen os pasos a seguir para atopar a solución).

A páxina chámase  "Disfruta las matemáticas " e se queredes tamén a podedes visualizar en inglés "Maths is fun"

CANAIS AOS QUE SUSCRIBIRSE PARA MELLORAR O NOSO INGLÉS

Teño varios alumnos e alumnas aos que lles gusta moito esta lingua pero que non saben como seguir a traballala cando chegan á casa.

Eu levo un tempo suscrita a dous canais que me gustan especialmente:

British Council / Learn English Kids

Cambridge English Online Ltd.

Dende os canais de youtube podedes acceder ás páxinas web oficiais, onde o pasaredes xenial cos recursos ao tempo que aprendedes
Son as seguintes:

Cambridge English Online

Learn English Kids

De seguro vos encantarán

PUBLICACIÓNS DE TRABALLOS FEITOS NA ESCOLA

Ata o de agora non tiña autorizacións escritas dos pais e nais do meu alumnado para facer pública a súa imaxe , pero agora que todos acordaron dar o permiso podo amosarvos algúns dos nosos traballos.

O primeiro que quero que vexades é o conto que escribimos para celebrar o Magosto:

Podedes seguir as publicacións no blog da biblioteca "Merliño" e na páxina oficial do CEIP Álvaro Cunqueiro Mora.

O Apalpador

Na escola estamos a lembrar aos nenos e nenas a figura do "Apalpador" .
Este xigante carboeiro da devesa do Caurel, achégase ás casas dos pequenos unha noite de Nadal e apalpa as súas barriguiñas para ver si están ben alimentados.
O noso "Papa Noel" deixa aos nenos e nenas unha presa de castañas e tamén un agasallo feito artesanalmente por el (agochado para que o teñan que buscar)




A cantiga tradicional di o seguinte:

Vaite logo, meu meniño (miña meniña)

marcha agora para a camiña

Que vai vir o Apalpador

a apalparche a barriguiña

Xa chegou o día grande

día do noso Señor.

Xa chegou o día grande

e virá o Apalpador.

Mañá é dia de cachela,

que haberá gran nevarada

e há vir o Apalpador

cunha mega de castañas.

Por aquela cemba

xa ven relumbrando

o señor Apalpador

para darvos o aguinaldo.

Esta é unha versión da cantiga tradicional interpretada por Malvela

Na rede podemos atopar un sinfín de recursos sobre este tema, pero ista é a páx oficial : " O Apalpador"
Se queredes seguir coa tradición, podedes descargar aquí os modelos de cartas para enviarlle ao Apalpador coas que podedes participar nun sorteo (visitade o enlace).